tələb – Canım Yurdum Gazetesi

İsveçrədəki icmamız Avropa Şurasının Baş katibindən ikili standartlara son qoymağı tələb edib

Abdullah Yiğit — Thu, 03 Aug 2023 17:34:59 +0000

İsveçrədəki icmamız Avropa Şurasının Baş katibindən ikili standartlara son qoymağı tələb edib

2023
İsveçrədəki icmamız Avropa Şurasının Baş katibindən ikili standartlara son qoymağı tələb edib
İsveçrədə yaşayan Azərbaycan icması Laçın-Şuşa-Xankəndi yolu ətrafında yaranmış vəziyyətlə bağlı Avropa Şurasının Baş katibi Mariya Pejçinoviç-Buriçin mövqeyini sərt şəkildə pisləyib.

İsveçrə Azərbaycanlılarının Dostluq, Mədəniyyət və Həmrəylik Assosiasiyasının adından Avropa Şurasının Baş katibinə ünvanlanan bəyanatda bildirilib ki, onun böyük təəccüb və təəsssüflə qarşılanan 28 iyul 2023-cü il tarixli açıqlaması Avropa Şurasının Nizamnaməsində, İnsan Hüquqları üzrə Avropa Konvensiyasında və Ümumdünya İnsan Hüquqları Bəyannaməsində təsbit olunmuş məqsəd və prinsiplərə zidddir.

Nəzərə çatdırılıb ki, Azərbaycanın Qarabağ bölgəsində yaşayan ermənilərin guya blokadaya alınması və humanitar fəlakətlə üzləşməsi barədə deyilənlər Ermənistanın beynəlxalq ictimai rəyi çaşdırmaq üçün əl atdığı növbəti böhtan və cəfəngiyyatdır.

Azərbaycan dövlətinin, 30 illik işğala və məşəqqətlərə baxmayaraq, iki ölkə arasında bir-birinin ərazi bütövlüyü, suverenliyi və sərhədlərinin qarşılıqlı tanınması və hörmət edilməsi əsasında münasibətlərin normallaşmasına dair baza prinsipləri və sülh müqaviləsi təklifi ilə çıxış etdiyi bir daha Baş katibə xatırladılıb.

Rəsmi Bakının sülh və normallaşma münasibətlərinə nail olmaq məqsədilə beynəlxalq hüquq normalarına uyğun şəkildə ardıcıl addımlar atması fonunda Ermənistanın isə 10 noyabr 2020-ci il tarixli üçtərəfli raşılaşmaya zidd olaraq təxribatlar törətməklə məşğul olduğu diqqətə çatdırılıb. Ermənistanın məsuliyyətsiz davranışının 2020-ci ilin noyabr ayından bəri iki nəfər jurnalist də daxil olmaqla 303 nəfər azərbaycanlının Qarabağ bölgəsində mina qurbanına çevrilməsi ilə nəticələndiyi bildirilib.

Belə durumda Ermənistan tərəfinin bölgədə saxta “gərgin humanitar vəziyyət” barədə iddialar yayması siyasi şantaj və manipulyasiya, bölgəyə üçüncü tərəfləri cəlb etmək, gərginliyin coğrafiyasını genişləndirmək və sülh prosesini iflasa uğratmaq məqsədi kimi qiymətləndirilib.

Baş verən bütün təxribatlara görə məsuliyyətin Azərbaycan ərazilərində qanunsuz hərbi mövcudluğu davam etdirən, separatizmi təşviq edən və reinteqrasiya səylərinə əngəl törədən Ermənistan və onun rəhbərliyinin üzərinə düşdüyü bəyan edilib.

İsveçrə Azərbaycanlılarının Dostluq, Mədəniyyət və Həmrəylik Assosiasiyası 80-ci illərin sonlarından etibarən Ermənistanın yol verdiyi bütün bəşəri və hərbi cinayətlərə (öz doğma yürdlarından zorla qovulmuş bir milyona yaxın azərbaycanlının çəkdiyi iztirablara, Azərbaycanın Xocalı şəhərində soyqırımı törətməsinə, 30 il ərzində Azərbaycan ərazilərini işğal altında saxlamasına, Naxçıvan Muxtar Respublikasını 32 ildir blokadaya almasına, son üç il ərzində Azərbaycan ərazilərində Ermənistan silahlı qüvvələrinin mövcudluğuna, kommunikasiyaların açılmasına mane olması) göz yuman bir sıra ölkələrdən və beynəlxalq təşkilatlardan Azərbaycanın suverenliyinə və ərazi bütövlüyünə hörmət etməyi, daxili işlərinə qarışmamağı və ikili standartlar siyasətinə son qoymağı tələb edib.

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/isvecredeki-icmamiz-avropa-surasinin-bas-katibinden-ikili-standartlara-son-qoymagi-teleb-edib-3295

Aktaudakı həmyerlilərimiz terrorçuların cəzalandılmasını tələb edib

Abdullah Yiğit — Mon, 30 Jan 2023 20:56:02 +0000

Aktaudakı həmyerlilərimiz terrorçuların cəzalandılmasını tələb edib
30 yanvar, 2023

Aktaudakı həmyerlilərimiz terrorçuların cəzalandılmasını tələb edib

Azərbaycan Respublikasının İran İslam Respublikasındakı Səfirliyinə edilmiş xain terror aktı Qazaxıstanın Mangistau vilayətində hiddətlə qarşılanıb.

Ölkəmizin Aktau şəhərindəki Baş Konsulluğunda bir araya gələn konsulluq əməkdaşları və Azərbaycan diaspor təşkilatlarının rəhbərləri terror aktı zamanı Səfirliyin qətlə yetirilmiş əməkdaşı, təhlükəsizlik xidmətinin rəisi Orxan Əsgərovu ehtiramla yad ediblər.

Tədbir iştirakçıları baş vermiş hadisəyə kəskin etiraz etdiklərini bildirib, bu qanlı olayı Azərbaycan dövlətinə qarşı yönəlmiş terror aktı və beynəlxalq hüquq normalarının pozulması kimi qiymətləndiriblər. Soydaşlarımız İran hökumətindən terror aktını törədənin və onun mənsub olduğu terror təşkilatının üzvlərinin ən qısa zamanda tutularaq qanun çərçivəsində mühakimə olunmasını və cəzalandırılmasını tələb ediblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktaudaki-hemyerlilerimiz-terrorcularin-cezalandilmasini-teleb-edib-2290

Kanadadakı diasporumuz beynəlxalq ictimaiyyətdən ədalətli mövqe tələb edir

Abdullah Yiğit — Sat, 28 Jan 2023 01:29:42 +0000

Kanadadakı diasporumuz beynəlxalq ictimaiyyətdən ədalətli mövqe tələb edir

27 yanvar, 2023
Kanadadakı diasporumuz beynəlxalq ictimaiyyətdən ədalətli mövqe tələb edir
Kanadada fəaliyyət göstərən “Vətən” Azərbaycan İncəsənət və Mədəniyyət Mərkəzi ölkəmizin İrandakı səfirliyinə silahlı hücumla bağlı Kanada ictimaiyyətinə və beynəlxalq təşkilatlara müraciət edib.

Bəyanatda bu ölkədə yaşayan Azərbaycan əsilli kanadalıların səfirliyin təhlükəsizlik xidmətinin rəhbəri Orxan Əsgərovun qətli və iki əməkdaşının yaralanması ilə nəticələnən terror aktından dərin narahatlıq keçirdikləri vurğulanıb. Bildirilib ki, icmamız qanlı olayın arxasında İranın xüsusi xidmət orqanlarının dayandığına şübhə etmir.

Diaspor təşkilatı yerli və beynəlxalq ictimaiyyəti regionumuzda baş verənlərlə bağlı ədalətli mövqe tutmağa, sülh və insanlıq əleyhinə yönəlmiş cinayətlərə görə cavabdeh şəxslərin ən qısa zamanda məsuliyyətə cəlb olunması istiqamətində əməli addımlar atmağa çağırıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/kanadadaki-diasporumuz-beynelxalq-ictimaiyyetden-edaletli-movqe-teleb-edir-2271