2026

Gürcüstanda azərbaycanlı abituriyentlər üçün sınaq imtahanı təşkil olunub

Gürcüstanda fəaliyyət göstərən “Dmanisi Tədris Mərkəzi”ndə 11-ci və 12-ci sinif şagirdləri üçün ödənişsiz sınaq imtahanı keçirilib.

Sınaqda rayonun Hamamlı, Səfərli, Qarabulaq, Yırğançay və Oruzman kəndlərindən 40-a yaxın abituriyent iştirak edib.

https://x.com/DiasporaAz/status/2024790727532614052

İmtahanda əvvəl “Dmanisi Tədris Mərkəzi”nin rəhbəri Kamran Xıdırov gənclərə mərkəzin fəaliyyəti barədə məlumat verib. Sınaq imtahanlarının yeniyetmələrdə özünəinamın formalaşdırılmasına, həyəcanın aradan qaldırılmasına kömək etdiyini və gələcək uğurlar üçün möhkəm zəmin yaratdığını bildirib.

Foto qalereya

https://x.com/DiasporaAz/status/2024790727532614052

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/gurcustanda-azerbaycanli-abituriyentler-ucun-sinaq-imtahani-teskil-olunub-6683

https://x.com/DiasporaAz/status/2024790727532614052

2025

Gürcüstanda peşəkar məşqçilərin görüşü keçirilib

Marneulidəki “Azərbaycan Evi”ndə Gürcüstan Ədliyyə Nazirliyinin qeydiyyatında olan “Caucasus Arena” Assosiasiyasının təşəbbüsü ilə Gürcüstanın müxtəlif idman növləri üzrə azərbaycanlı peşəkar məşqçilərinin görüşü keçirilib və onlardan müsahibələr alınıb.

Diasporla İş üzrə Dövlət Komitəsinin “Azərbaycan həqiqətlərinin və mədəni irsinin Gürcüstanda təbliği” layihəsi çərçivəsində baş tutan görüşə 50-yə yaxın idman müəllimi və ictimaiyyət nümayəndəsi qatılıb.

https://x.com/DiasporaAz/status/1909965946183184710

“Caucasus Arena” Assosiasiyasının rəhbəri, “Qabal Təhsil Mərkəzi”nin direktoru, kikboks üzrə dünya və beşqat Gürcüstan çempionu Yavər Məmmədov təşkilatın məqsədinin gənc idmançıları dəstəkləmək, müxtəlif idman növlərini inkişaf etdirmək və maddi-texniki bazanı gücləndirmək olduğunu deyib. O, eyni zamanda qarşıdakı dövrdə gənc idmançıların dünya səviyyəsinə çıxması üçün layihələr həyata keçiriləcəyini, maliyyə və infrastruktur problemlərinin həlli üçün biznes qurumları və dövlət təşkilatları ilə əməkdaşlıq ediləcəyini bildirib. Hazırda “Caucasus Arena”ya 85 məşqçi və 6 min idmançı qatılıb.

18 qat dünya rekordçusu, “Caucasus Arena” Assosiasiyasının sədr müavini, Qafqaz Dünya Rekordlar Federasiyasının prezidenti, “Maqnit adam” kimi tanınan, adı Ginnesin Rekordlar Kitabına düşən Etibar Budaqov-Elçiyev yarışların təşkili üzərində işlərin aparıldığını və bu məqsədlə Qaraçöpdə, Marneulidə görüşlərin keçirildiyini diqqətə çatdırıb.

https://x.com/DiasporaAz/status/1909965946183184710

Azərbaycan uşu-sanda yığmasının sabiq baş məşqçisi, ikiqat dünya və Avropa çempionu, dünya kubokunun sahibi Canpolad Budaqov Kvemo- Kartli bölgəsində bu idman növü üzrə federasiyanın yaradılmasına qərar verdiklərini qeyd edib.

https://x.com/DiasporaAz/status/1909965946183184710

Peşəkar taekvondoçu Faiq Məmmədov “Caucasus Arena” Assosiasiyasının yaradılmasının soydaşlarımız üçün əlamətdar hadisə olduğunu, idmançıların məşqçilərin təcrübələrindən yararlanaraq uğur qazanacağına əminliyini bildirib.

https://x.com/DiasporaAz/status/1909965946183184710

Bolnisi rayonunun Aşağı Qoşakilsə kəndində fəaliyyət göstərən “İnam kikboks klubu”nun baş məşqçisi Şahin Bəxtiyarov məşqlərin ödənişsiz olduğunu diqqətə çatdırıb. O, el-obasına çempion yetişdirməyi arzu etdiyini, həmçinin uşaqların və gənclərin pis vərdişlərdən uzaq durmasını, sağlam və güclü olmasını istədiyini deyib.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/gurcustanda-pesekar-mesqcilerin-gorusu-kecirilib-5715

https://x.com/DiasporaAz/status/1909965946183184710

4 mart, 2025

Gürcüstanda Xocalı soyqırımına həsr olunan tədbirlər davam edir

https://x.com/DiasporaAz/status/1896838400235500011

Gürcüstanın Saqareco rayonunun Yor-Muğanlı (Qaraçöp mahalı) kəndində fəaliyyət göstərən Parlaq Gələcək Tədris Mərkəzində Xocalı soyqırımının 33-cü ildönümünə həsr olunmuş “Dağılan Xocalı, dirilən Xocalı” adlı anım tədbiri keçirilib. Tədbirdə Diasporla iş üzrə Dövlət Komitəsinin əməkdaşı Şəfəq Binnətova, Azərbaycanın Gürcüstandakı səfirliyinin müşaviri Cavid Məhərrəmov, Mərkəzin müəllim və şagirdləri iştirak ediblər. Öncə soyqırımı qurbanlarının əziz xatirəsi bir dəqiqəlik sükutla yad olunub. Mərkəzin şagirdləri qanlı Xocalı hadisəsini əks etdirən öz rəsm əsərlərini nümayiş etdirib, şeirlər səsləndiriblər. Azərbaycan dili və ədəbiyyat müəllimi Durna Mərdanova faciə haqqında tədbir iştirakçılarına ətraflı məlumat verib. Tarixçi Dilqəm Əlləzov gənclərə erməni təcavüzkarlarının Azərbaycan xalqına qarşı törətdiyi soyqırımı nəticəsində 106 qadın, 63 uşaq, 70 qoca olmaqla 613 nəfərin qətlə yetirildiyini, o cümlədən 1 275 dinc sakinin əsir götürüldüyünü, 8 ailənin bütünlüklə məhv edildiyini, 25 uşağın hər iki valideynini, 130 uşağın isə valideynlərindən birini itirdiyini diqqətə çatdırıb. Tədbirin sonunda Xocalı faciəsinə həsr olunmuş film nümayiş olunub.

https://x.com/DiasporaAz/status/1896838400235500011

Laqodexi rayonunda fəaliyyət göstərən “Qabal İnkişaf Mərkəzi”ndə Xocalı soyqırımının 33-cü ildönümü anılıb. Əvvəlcə soyqırımı qurbanlarının və Azərbaycanın ərazi bütövlüyü uğrunda canlarını qurban verən şəhidlərimizin əziz xatirəsi bir dəqiqəlik sükutla yad edilib. Mərkəzin rəhbəri Yavər Məmmədov çıxış edərək Xocalı soyqırımı barədə ətraflı məlumat verib. Çoxlu sayda mülki insanın, əsasən də uşaqların və qadınların xüsusi amansızlıqla və qəddarlıqla qətlə yetirildiyini, əsir götürülən insanların dəhşətli işgəncəyə, zülmə və təhqirlərə məruz qaldığını diqqətə çatdırıb. Vətən müharibəsində misilsiz igidlik nümunələri göstərən qəhrəman Azərbaycan Ordusunun Müzəffər Ali Baş Komandan İlham Əliyevin rəhbərliyi ilə Xocalı faciəsi qurbanlarının da qisasını alaraq şəhidlərimizin qanını yerdə qoymadığını söyləyib. Mərkəzin gürcü dili müəllimi Tamilla Barbakadze öz çıxışında soyqırımın dəhşətli nəticələrindən bəhs edib. Qazi Aqil Almazovun anası Çimnaz Almazova Şəhid analarının qarşısında baş əydiyini deyib. Daha sonra məktəblilər Xocalı mövzusunda rəsm əsərlərini nümayiş etdirib, soyqırımına həsr etdikləri hekayələrini və şeirlərini səsləndiriblər.

https://x.com/DiasporaAz/status/1896838400235500011

Tbilisidə fəaliyyət göstərən “Alyans” Gənclər Mərkəzinin təşkilatçılığı ilə Xocalı soyqırımının 33-cü ildönümünə həsr olunan məlumatlandırıcı aksiya keçirilib. Aksiya çərçivəsində Mərkəzin hazırladığı Xocalı soyqırımından bəhs edən gürcü və ingilis dillərində açıqçalar şəhər sakinlərinə və qonaqlara paylanılıb, şəhər ictimaiyyətinin nümayəndələrinə soyqırımı ilə bağlı məlumat verilib. Açıqcalarda erməni cəlladların Xocalıda törətdiyi misli görünməmiş cinayətlər barədə məlumatlar əksini tapıb.

Foto qalereya

https://x.com/DiasporaAz/status/1896838400235500011

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/gurcustanda-xocali-soyqirimina-hesr-olunan-tedbirler-davam-edir-5605

https://x.com/DiasporaAz/status/1896838400235500011

5 dekabr, 2024

Gürcüstanda aşıq sənəti

Diasporla İş üzrə Dövlət Komitəsinin dəstəyi və Gürcüstanın Saqareco rayonunda fəaliyyət göstərən “Parlaq Gələcək” Tədris Mərkəzinin layihəsi çərçivəsində yaradılan “Aşıq dərnəyi” gənc nəslin yetişməsində müstəsna rol oynayır.

https://x.com/DiasporaAz/status/1864650575377301741

Mərkəzin direktoru Rafael Süleymanov kursların ödənişsiz olduğunu bildirərək: “Tərbiyənin bir çox növləri var. Lakin musiqi tərbiyəsi daha böyük imkanlar yaratmaq qüdrətinə malikdir. Xalqımızın milli-mənəvi dəyərləri Gürcüstanda musiqi zövqünün tərbiyə olunmasında əsas amil kimi dəyərləndirilir. Milli musiqi nümunələrimizdə – xalq mahnılarında, rəqslərdə, aşıq musiqisində xalqın yüksək mənəviyyatı, onun arzu və istəkləri əks olunur”,- deyə qeyd edib.

https://x.com/DiasporaAz/status/1864650575377301741

Aşıq Əlibala Qurbanov uşaqların bu qədim el sənətinə böyük maraq göstərdiyini, aşıq sənətinin öyrədilməsində əsas məqsədin şagirdlərdə yaradıcılıq qabiliyyətini üzə çıxarmaq, musiqi bacarıqlarını inkişaf etdirmək, həmçinin xalqımızın milli-mənəvi dəyərlərini yaşatmaq olduğunu söyləyib.

https://x.com/DiasporaAz/status/1864650575377301741

Saz dərnəyinin üzvü Sərvət Yusifov ailələrində həmişə saz olduğunu, ona görə də aşıq sənətini sevdiyini, Nuray Hacıyeva isə bu qədim el sənətinə uşaqlıqdan maraq göstərdiyini qeyd edib.

Foto qalereya

https://x.com/DiasporaAz/status/1864650575377301741

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/gurcustanda-asiq-seneti-5348

https://x.com/DiasporaAz/status/1864650575377301741